यसरी पिटियो व्यभिचारीलाई इन्डोनेशियामा



व्यभिचारविरुद्ध कडा कानुन बनाउन सहयोग गर्ने संस्थामा काम गर्ने एक पुरुषलाई एक विवाहिता महिलासँग सम्बन्ध राखेको दण्डस्वरूप सार्वजनिक रूपमा बेतको छडीले हिर्काइएको छ।

परस्त्रीसँग सम्बन्ध राखेको ठहर भएपछि आचे उलेमा काउन्सिलका मुखलिस बिन मुहम्मदलाई २८ पटक त्यसरी पिटिएको हो।उनीसँग सम्बन्ध राख्ने महिलालाई भने २३ पटक बेतको छडीले हानिएको छ।

इन्डोनेशियाको आचे क्षेत्रमा कडा इस्लामिक शरिया कानुन अभ्यास गरिन्छ।आचेमा समलिङ्गी सम्बन्ध र जुवा खेलेमा पनि सार्वजनिक रूपमा कोर्रा वा छडी हानिन्छ।

“यो अल्लाहको कानुन हो। जो कोही पनि दोषी साबित भएमा कोर्रा खानुपर्छ,” आचे बेसार क्षेत्रका उपप्रमुख हुसेनी वाहाबले भने। एउटा पर्यटकीय समुद्री तटमा कारभित्र यौन क्रियाकलापमा संलग्न रहेको बेला उनीहरू समातिएका थिए।

उनीहरूलाई बिहीवार दण्ड दिइएको र मुखलिसलाई काउन्सिलबाट निष्काशन गरिएको हुसेनीले बताए।

दण्ड पाउने ४६ वर्षीय पुरुष सन् २००५ मा शरिया कानुन लागु भएयता व्यभिचारमा सजाय पाउने पहिलो धार्मिक गुरु भएको बताइएको छ।

आचेमा काउन्सिलले स्थानीय सरकार र संसद्‍लाई शरिया कानुन बनाउन र लागु गर्न सहयोग गर्छ।सन् २०१७ मा त्यहाँ दुई पुरुषलाई यौन क्रियाकलाप गर्दागर्दै पक्राउ परेपछि ८३ पटक बेतको लौरोले हानिएको थियो।

यसरी लौरोले हिर्काउने व्यक्तिले परिचय नखुलोस् भनेर आँखाबाहेक अरू सबै शरीर छोपेका हुन्छन्। यस्तो सजाय सार्वजनिक स्थलमा दिइन्छ। तर बालबालिकालाई त्यो हेर्ने अनुमति छैन।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
आत्मघाती विस्फोटमा परी पाकिस्तानमा कम्तीमा २८ जनाको मृत्यु, १५० घाइते

पाकिस्तानी सहर पेशावरमा भएको बम विस्फोटमा परी कम्तीमा २८ जना जनाको मृत्यु भएको

मेक्सिको भ्रमण गर्ने विदेशी पर्यटकको संख्यामा उल्लेख्य बृद्धि। एकवर्षमै गरे दुई करोडले भ्रमण

सन् २०२२ मा हवाई मार्गबाट २ करोड ६ लाख विदेशी पर्यटक मेक्सिको पुगेका

अडानी समूहले तीन दिनमा गुमायो ७१ अर्ब डलर

भारतीय उद्योगी गौतम अडानीको कम्पनीले आफूमाथि लागेको ठगीको आरोप अस्वीकार गरेपनि लगानीकर्ताहरूलाई आश्वस्त

प्रहरीद्वारा ओडिसाका स्वास्थ्यमन्त्रीको हत्या

भारतको ओडिसाका स्वास्थ्यमन्त्री नवकिशोर दास एक प्रहरीले गोली हानी हत्या गरेका छन् ।