बेलायतमा छिटो निर्वाचनका लागि लेबर पार्टीको समर्थन



ब्रिटेनमा निर्धारित समय अगावै आगामी डिसेम्बर महिनामा आमनिर्वाचन हुने सम्भावना बलियो बन्दै गएको छ। प्रमुख विपक्षी लेबर पार्टीले पनि डिसेम्बर महिनाका लागि प्रस्तावित आमनिर्वाचनका लागि आफ्नो समर्थन रहने बताएपछि त्यस्तो सम्भावना बढेको हो।

मंगलबार प्रधानमन्त्री बोरिस जोनसनले देशमा समय अगावै आमनिर्वाचन गर्ने प्रस्ताव पारित गराउन चौथो प्रयास गर्दैछन्। यसअघि आमनिर्वाचन सम्बन्धी उनका सबै प्रस्ताव सांसदहरूले अस्वीकार गरिदिएका थिए।

अब प्रधानमन्त्री जोनसनले एक-पाने विधेयक मार्फत आउँदो १२ डिसेम्बरमा आमनिर्वाचन गर्ने प्रस्ताव गर्नेछन् जुन विधेयक पारित हुन यसअघि जस्तो दुई तिहाइ सांसदहरूको समर्थन आवश्यक पर्दैन। प्रधानमन्त्री कार्यालयका समाचार स्रोतहरूका अनुसार विपक्षी दलहरू सहमत भएमा डिसेम्बर ११ को मिति पनि सरकारलाई मान्य हुन सक्छ।

इयूले ब्रेक्जिटको समयसीमा लम्बाउन सहमति जनाएपछि विपक्षी लेबर पार्टीका नेता जेरमी कोर्बिनले नो-डिल ब्रेक्जिट अर्थात विना कुनै सहमति ब्रिटेन युरोपेली संघबाट बाहिरिने सम्भावना अब नरहेको भन्दै आफ्नो दलले शीघ्र निर्वाचनकालागि समर्थन जनाउने बताएका छन्।

तर उनले केही समयपछि सरकारले संसदमा प्रस्तुत गर्ने यससम्बन्धी विधेयकलाई उनले समर्थन गर्छन् की गर्दैनन् भन्ने चाहिँ स्पष्ट पारेका छैनन्। ब्रिटेनको संसदका अन्य विपक्षी दलहरू एसएनपी र लिबरल डिमोक्र्याटहरूले आगामी ९ डिसेम्बरमा निर्वाचन हुनुपर्ने माग गरिरहेका छन्।

ति पार्टीहरूका अनुसार उक्त मितिमा निर्वाचन भएमा त्यसबाट बोरिस जोनसनलाई निर्वाचन अगावै संसदबाट उनको ब्रेक्जिट योजना अघि बढाउनबाट रोक्न सकिनेछ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
प्रान्तीय राजधानी कब्जा गर्ने तालिबानको प्रयास, हेल्मण्ड सहरमा भीषण लडाइँ

तालिबानको नियन्त्रणमा पुग्नसक्ने पहिलो प्रान्तीय राजधानी हुनसक्ने खतराबीच अफगानिस्तानको एउटा मुख्य सहरमा भीषण

अमेरिकी सेनाको अचानक फिर्तापछि सुरक्षा बिग्रेको अफगान राष्ट्रपतिको भनाइ

अफगानिस्तानका राष्ट्रपति असरफ घानीले अमेरिकाले आफ्नो फौज फिर्ता लिने ‘आकस्मिक’ निर्णय देशको खस्कँदो

टर्कीमा एकैदिन २१ हजार सङ्क्रमित

कोरोना भाइरसको महामारीबाट अतिप्रभावित मुलुक टर्कीमा अहिले पनि दैनिक झण्डै २१ हजार नयाँ

जापानका थप चार क्षेत्रमा सङ्कटकाल घोषणा

ओलम्पिक खेलकूद प्रतियोगिता सञ्चालन भइरहेको जापानका अरु चार क्षेत्रमा पनि सङ्कटकाल घोषणा गरिएको