म्यानमारको रखाइन राज्यमा विद्रोही समूहद्वारा ४० सुरक्षाकर्मी अपहरण
म्यानमारको जातीय रखाइन विद्रोही समूहले शनिबार देशको पश्चिमी क्षेत्रबाट ४० सुरक्षाकर्मीलाई अपहरण गरी लगेका सेनाले जनाएको छ । सरकारी सेनाले स्थानीय आराकन सैनिक विद्रोहीका गतिविधि नियन्त्रणका लागि हजारौँको सङ्ख्यामा सुरक्षाकर्मी खटाएको छ ।
उक्त समूहले रखाइन बुद्धमार्गीहरूको थप स्वतन्त्रताका लागि सङ्घर्ष गरिरहेको छ । शनिबार विहान जातीय युद्ध लड्दै आएका विद्रोहीको एक नदीको किनारा लुकीबसेको एक समूहले काममा खटिएका प्रहरी तथा सैनिक अधिकारीहरूलाई लगेको पुष्टि सैनिक प्रवक्ता जा मिनतुनले गरे ।
सेनाले अपहरणमा परेका सुरक्षाकर्मीको खोजीका लागि हेलीकोप्टर तथा स्थल अपरेसन तत्कालै गरेको भएपनि उनीहरूलाई अझै फिर्ता ल्याउन नसकिएको उनले बताए ।
यसबारे अराकन विद्रोहीसँग सम्पर्कका लागि प्रयास भएको भएपनि उनीहरू प्रतिक्रियाका लागि उपलब्ध हुनसकेका छैनन् ।
