अशान्त चिलीमा संयुक्त राष्ट्रसंघको टोली जाँदै



करिब एक सातादेखि विरोध प्रदर्शन भइरहेको चिलीको राजधानी स्यान्टियागोमा त्यहाँको अवस्था अनुगमन गर्नका लागि संयुक्त राष्ट्रसंघले मानवअधिकार विज्ञहरूको एउटा टोली पठाउने भएको छ।

१८ जना मानिसहरूको ज्यान गएको दाबी गरिएको उक्त प्रदर्शनका क्रममा प्रदर्शनकारी र प्रहरीबीच पटकपटक दङ्गासमेत भएका छन्।

राजधानी स्यान्टीयागोसहित चिलीका थुप्रै सहरमा गत शुक्रवारदेखि असमानता र मूल्यवृद्धिविरुद्ध विरोध प्रदर्शनहरू भइरहेका छन्।

संयुक्त राष्ट्रसंघकी मानव अधिकार प्रमुख तथा चिलीकी पूर्व राष्ट्रपति मिसेल ब्यासलेटले उक्त टोलीले मानवअधिकार हननसम्बन्धी आरोपहरूको परीक्षण गर्ने बताइन्।

हिंसात्मक प्रदर्शनहरू चर्किएपछि लगाउन सुरु गरिएको रात्रिकालीन सैन्य कर्फ्यु छैठौं रातमा प्रवेश गरेको छ। तर कर्फ्यू लाग्ने समय भने उल्लेख्य रूपमा घटेको छ।

राजधानी स्यान्टियागोमा दशौँ हजार मानिसहरू सहभागी भएको बिहीवारको प्रदर्शन निकै हदसम्म शान्तिपूर्ण थियो। तर सात सय भन्दा बढी मानिसहरूमाथि भने आगजनी, लुटपाटलगायतका अभियोग लगाइएको छ।

सुरक्षा फौजले गरेका भनिएका हिंसाबारे अनुसन्धान भइरहेको अधिकारीहरूले बताएका छन्। मेट्रोरेलमा बढाइएको भाडा दरबाट उठेको आक्रोशमा अहिले सामाजिक र आर्थिक असमानताका मुद्दा समेत जोडिएर आमहड्तालमा परिणत भएको छ।

राष्ट्रपति सेबास्टियन पिनेराले आक्रोश शान्त पार्न सामाजिक सुधारहरू गर्ने घोषणा गरे तर त्यो पर्याप्त नभएको र्‍यालीका सहभागीहरूले बताएका छन्।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
पहिलो चरणमा ६४ लाख अमेरिकीलाई कोभिडविरुद्धको खोप लगाइने

अमेरिकाले पहिलो हप्तामा फाइजरले निर्माण गरेको कोभिड–१९ को खोप वितरण गर्ने योजना अघि

अमेरिकी जलसेनाको जहाज ध्वस्त पारिदिने रुसको चेतावनी

जापान सागरस्थित रुसी जलक्षेत्रमा प्रवेश गरेको अमेरिकी जलसेनाको एउटा विध्वंसक जहाजलाई आफ्नो युद्धपोतले

यी हुन् टिकटकमा १० करोड फलोअर नघाउने १६ वर्षे अमेरिकी किशोरी

टिकटकमा फलोअरको सङ्ख्या १० करोड नघाउने कीर्तिमान पहिलो पटक एक अमेरिकी किशोरीले बनाएकी

चीन र जापानबीच कोरोना प्रभावित अर्थतन्त्र पुनरुत्थानका लागि सहकार्य गर्ने सहमति

जापान र चीनका विदेश मन्त्रीहरुबीच महामारीका रुपमा फैलिएको कोरोनाभाइरस विरुद्धको लडाइँमा सहकार्य गर्ने