साफ यू–१७ महिला च्याम्पियनशिपमा नेपाल बङ्गलादेशसँग पराजित

काठमाडौं । साफ यू १७ महिला च्याम्पियनशिपमा नेपाल बङ्गलादेशसँग पराजित भएको छ । भुटानको थिम्पुमा बुधबार भएको खेलमा नेपाललाई बङ्गलादेशले ४–१ गोलले हराएको हो ।

हारसँगै नेपाल उपाधि जित्ने होडबाट बाहिरिएको छ । खेलमा बङ्गलादेशकी सौरभी अकन्दा प्रितीले ह्याट्रिक र थुइनुए मार्माले १ गोल गरिन् । नेपालकी भूमिका बुढाथोकीले गोल गरिन् ।

यसअघि भएको खेलमा नेपाल बङ्गलादेशसँग ३–० गोलले पराजित भएको थियो । यसअघि नेपाल पहिलो खेलमा भारतसँग ७–० गोलले पराजित हुँदा दोस्रो खेलमा भूटानलाई २–१ ले हराएको थियो । नेपालले शुक्रबार भारतसँग र आइतवार भुटानसँग खेल्ने छ ।