काठमाडौं । अखिल नेपाल फुटबल संघ (एन्फा) का पूर्वअध्यक्ष गणेश थापामाथि अन्तर्राष्ट्रिय फुटबल महासंघ (फिफा)ले लगाएको दश वर्षको प्रतिबन्ध समाप्त भएको छ ।
थापाले सामाजिक संजालमार्फत आफूमाथि फिफाले लगाएको प्रतिबन्ध समाप्त भएको जानकारी दिएका हुन् । उनलाई फिफाले सन् २०१५ को १६ अप्रिल मा प्रतिबन्ध लगाएको थियो । त्यो २०२५ को अप्रिल १५ मा आएर टुङ्गिएको छ ।
थापाले भनेका छन्, ‘कठिन दश वर्षे अवधिपश्चात मेरो फुटबल सम्बन्धित सबै गतिविधिबाट भएको निलम्बन अब समाप्त भएको छ। यो यात्रा चुनौतीपूर्ण थियो, तर यस अवधिमा मेरो परिवार, साथीहरू, शुभचिन्तकहरू र समस्त फुटबल प्रेमीहरूले गर्नुभयेको सहयोग र अटल समर्थनको लागि म धन्यवाद र आभार व्यक्त गर्न चाहन्छु।’
उनले नेपाली फुटबलको विकास र विस्तारमा आफ्नो साथ र सहयोग सधैँ रहने उल्लेख गरेका छन् । फिफाको निर्वाचनमा घुस लिएको आरोपमा उनीमाथि दश वर्षे प्रतिबन्ध लगाएको थियो ।
अन्तर्राष्ट्रिय फुटबल महासंघ (फिफा) ले अखिल भारतीय फुटबल महासंघ (एआईएफएफ) बाट निलम्बन फुकुवा गरेको छ । स्विट्जरल्याण्डको जुरिचमा भएको फिफाको बैठकले भारतीय फुटबल महासंघमाथिको निलम्बन फुकुवा गरेसँगै अक्टोबर ११ देखि ३० सम्म आयोजना हुने फिफा यू–१७ महिला विश्वकप २०२२ लाई पूर्वनिर्धारित कार्यक्रमअनुसार भारतमा आयोजना गर्न सकिने भएको फिफाले शुक्रबार जानकारी…
काठमाडौं । अखिल नेपाल फुटबल संघ(एन्फा) का पूर्वअध्यक्ष गणेश थापालाई एन्फाको साधारण सभास्थलमा प्रवेश गर्न नदिएपछि विवाद भएको छ । काभ्रेको धुलिखेलमा आज आयोजना गरिएको एन्फाको साधारणसभामा सहभागी हुन गएका थापालाई प्रवेशका लागि पास नभएको भन्दै गेटमै रोकिएको हो । थापालाई गेटमै रोकेपछि त्यहाँ तनाव भएको छ । थापाले अदालतको…
काठमाडौं । अखिल नेपाल फुटबल संघ (एन्फा) ले फिफाबाट प्रतिबन्धित पूर्वअध्यक्ष गणेश थापाविरुद्ध कारबाही गर्न माग गर्दै अख्तियार दुरुपयोग अनुसन्धान आयोगलाई पत्राचार गर्ने निर्णय गरेको छ । एन्फाको बैठकले थापाले फिफाको निर्देशन उल्लङ्घन गरेको भन्दै विभिन्न निकायमा कारबाहीका लागि पत्राचार गर्ने निर्णय गरेको हो । २०७२ मा फिफाले थापालाई भ्रष्टाचार…
