नेपाल आइपुगे विश्वविजेता इटालियन गोलकिपर बुफोन
काठमाडौं । विश्वकप विजेता इटालियन लेजेन्ड गोलकिपर जियालुजी बुफोन आइतबार नेपाल आएका छन् । तेस्रो संस्करणको केपी ओली कप फुटबलको फाइनलमा प्रमुख अतिथिको रूपमा बुफोन नेपाल आएका हुन् । नेपाल आएका उनले नेपालको झण्डा देख्दा आफूलाई अनौठो लागेको प्रतिक्रिया पनि दिए ।
केपी ओली कपको फाइनल सोमबार दशरथ रंगशालामा हुनेछ । फाइनल खेलमा बुफोन प्रमुख अतिथिको रुपमा रहनेछन् । फाइनल खेल मच्छिन्द्र एफसी र त्रिभुवन आर्मी एफसीको बीचमा हुनेछ ।
