नेपोभिट टायलद्वारा जय ट्रफी मेन्स एलाइट कपमा सहभागी खेलाडीलाई सम्मान
वीरगञ्ज (पर्सा) । नेपोभिट टायलले जय ट्रफी मेन्स एलाइट कपमा सहभागि खेलाडीलाई वीरगञ्जमा सम्मान गरेको छ । नेपोभिट टायलका निर्देशक शम्भुनाथ झाले जय ट्रफी मेन्स एलाइट कपमा वीरगञ्जमा सहभागी भएका क्रिकेट खेलाडीलाई खादा र ढाका टोपी लगाएर सम्मान गरेका हुन् ।
निर्देशक झाले नेपाली खेलाडीले क्रिकेट खेलमा छुट्टै पहिचान स्थापित गरेको बताउँदै आगामी दिनमा पनि नेपोभिट टायलले नेपाली क्रिकेको विकासमा निरन्तर साथ दिने प्रतिबद्धता व्यक्त गरे । नेपोभिट टायल नेपाल प्रिमियर लिग (एनपिएल) अन्तर्गतको जनकपुर बोल्ट्स टोलीको प्रायोजकको रूपको रूपमा रहेको थियो ।
सोही अवसरमा भर्खरै वैवाहिक जीवनमा बाँधिएका क्रिकेट खेलाडी आरिफ शेख र आसिफ शेखलाई पनि सम्मान गरिएको थियो । नेपाल पत्रकार महासङ्घका केन्द्रीय सचिव अशोक तिवारी, महासङ्घ मधेस प्रदेशका अध्यक्ष श्याम बन्जारालाई सम्मान गरिएको थियो ।
महासङ्घका लेखा समितिका संयोजक केसी लामिछाने, नेपाल पत्रकार महासङ्घ बाराका अध्यक्ष रमेश सुवेदी र नेपाल पत्रकार महासङ्घ पर्साका अध्यक्ष ओमप्रकाश खनाललगायतलाई पनि सम्मान गरिएको थियो ।
