चितवन एनपीएलबाट बाहिरियो, कर्णाली दोस्रो क्वालिफायरमा प्रवेश
काठमाडौँ । नेपाल प्रिमियर लिग (एनपीएल) को एलिमिनेटरको खेलमा कर्णाली याक्स विजयी भएको छ । बुधबार त्रिवि क्रिकेट मैदानमा चितवन राइनोजलाई २१ रनले हराउँदै कर्णाली याक्स दोस्रो क्वालिफायरमा प्रवेश गरेको हो ।
कर्णालीले दिएको १७६ रनको विशाल लक्ष्य पछ्याएको चितवनले २० ओभरमा ६ विकेट गुमाएर १५४ रन मात्रै बनायो । चितवनका लागि ब्याटिङतर्फ रबि बोपराले अर्धशतकीय पारी खेले ।
उनले ३४ बलमा ५३ रन बनाएर आउट भए । त्यस्तै, कप्तान कुशल मल्ल २१, विपिन रावल १८, ल्युक बेन्केनस्टेनले १७ रन बनाए। त्यसअघि टस हारेर पहिले ब्याटिङ गरेको कर्णालीले निर्धारित २० ओभरमा ६ विकेट गुमाएर १७५ रन बनाएको थियो ।
हारसँगै चितवन एनपीएलबाट बाहिरिएको छ भने कर्णालीले दोस्रो क्वालिफायर सुदूरपश्चिम रोयल्स र जनकपुर बोल्ट्सबीच पराजित हुने टोलीसँग बिहीबार खेल्नेछ।
