एनपीएलको ‘पावर्ड बाई’ प्रायोजकमा एनसेल
काठमाडौं । फ्रेन्चाइज क्रिकेट प्रतियोगिता नेपाल प्रिमियर लिग(एनपीएल) को ‘पावर्ड बाई’ प्रायोजकका रुपमा एनसेल आबद्ध भएको छ । नेपाल क्रिकेट संघ (क्यान)सँग साझेदारी घोषणा गर्दै एनसेलले लिगमा ‘पावर्ड बाई’ साझेदारको रूपमा आवद्ध भएको हो।
समझदारी पत्रमा एनसेलका प्रबन्ध निर्देशक तथा प्रमुख कार्यकारी अधिकृत जाब्बोर कायुमोभ र क्यानका सचिव पारस खड्काले हस्ताक्षर गरेका हुन् । यसअघि प्रतियोगिताको मुख्य प्रायोजकको रुपमा सिद्धार्थ बैंक आबद्ध भइसकेको छ ।
प्रतियोगिता मंसिर १५ देखि पौष ६ गतेसम्म कीर्तिपुरस्थित टियु क्रिकेट मैदानमा आयोजना हुँदैछ । आठ टोलीको सहभागिता रहने प्रतियोगितामा विभिन्न देशका खेलाडीलेपनि सहभागिता जनाउँदै छन् । प्रतियोगिताको प्रत्यक्ष प्रशारण भारतको चर्चित खेलकुद च्यानल स्टार स्पोर्ट्सले गर्नेछ ।
