चितवन राइनोजको जर्सी, मस्कट र गीत सार्वजनिक
चितवन । नेपाल प्रिमियर लिग (एनपिएल) क्रिकेटको एउटा टिम चितवन राइनोजले सोमबार चितवनको भरतपुरमा जर्सी, मस्कट र गीत सार्वजनिक गरेको छ ।
भरतपुर महानगरकी मेयर रेनु दाहालले चितवन राइनोजलाई जितको लागि शुभकामना दिइन् । चितवन राइनोज क्लब प्रालिका अध्यक्ष आयुष न्यौपानेको अध्यक्षतामा सम्पन्न कार्यक्रममा खेलाडी कुशल मल्लले खेल मैदानमा राम्रो नतिजा दिन आफूहरू प्रयासरत रहने प्रतिबद्धता जनाए ।
