नेसन्स लिगमा इटलीद्वारा बेल्जियम पराजित
काठमाडौँ । इटाली र फ्रान्स नेसन्स लिगको क्वाटरफाइनलमा पुगेका छन् । बिहीबार राति भएको खेलमा इटलीले लिग–वान ग्रुप–टुको खेलमा बेल्जियमलाई १–० ले हरायो ।
त्यसमा सान्ड्रो टोनालीले १ मात्र गोल गरे । इटालीका लागि उनको यो पहिलो अन्तर्राष्ट्रिय गोल पनि रह्यो । फ्रान्सले भने इजरायलसँग गोलरहित बराबरी खेल्यो । लिग–बी ग्रुप–टुको खेलमा भने इंग्ल्यान्डले ग्रिसलाई ३–० र आयरल्यान्डले फिनल्यान्डलाई १–० ले हरायो ।
एथेन्समा भएको खेलमा ओली वाट्किन्सन र कर्टस जोन्सले १÷१ गोल गरे । अर्को गोल आत्मघाती रह्यो । यससँगै इंग्ल्यान्डले यसअघि ग्रिसविरुद्ध बेहोरेको हारका बदला पनि लिएको छ ।
यस्तै लिग–बी ग्रुप–थ्रीमा नर्वेले स्लोभानियालाई ४–१ ले पराजित ग¥यो र यसमा इर्लिङ हालान्डले दुई गोल गरे । उनी नर्वेका लागि सर्वाधिक गोल गर्ने खेलाडी हुन् । उनले यो कीर्तिमानलाई ३५ गोल पुर्याएका छन् ।
