टी–२० विश्वकपमा न्युजिल्यान्डसँग पपुवा न्युगिनी ७ विकेटले पराजित



काठमाडौँ । आइसीसी टी–२० विश्वकप क्रिकेटको समूह चरणको अन्तिम खेलमा न्युजिल्याण्ड विजयी भएको छ । गएराति भएको खेलमा समूह बीबाट पहिला नै बाहिर भइसकेका न्युजिल्याड र पपुवा न्युगिनी (पीएनजी) भिडेका थिए ।

न्युजिल्यान्डले पपुवा न्युगिनीलाई ७ विकेटले पराजित गर्दै प्रतियोगितामा दोस्रो जितका साथ यात्रा समाप्त गरेको हो । पहिला खेलेको पपुवा न्युगिनीको पूरै टोलीले १९.४ ओभरमा सबै विकेट गुमाएर ७८ रन मात्र बनाउन सक्यो, जवाफमा न्युजिल्यान्डले १२.२ ओभरमा ३ विकेट गुमाएर जित दर्ता गरेको हो ।

टस जितेर पहिले ब्याटिङ गरेको पपुवा न्युगिनीका दुवै ओपनर सस्तैमा आउट भएका थिए । टोनी उराले मात्र १ रन बनाए भने कप्तान असद भाला १६ बलमा ६ रन बनाएर पभेलियन फर्किए ।

चार्ल्स अमिनी र सेसे बाउको जोडीले स्कोर ४० भन्दा माथि पुर्याए पनि १७ रनको व्यक्तिगत स्कोरमा अमिनी आउट हुनेबित्तिकै विकेट झर्ने क्रम सुरु भयो । त्यसपछि केही समयमै स्कोर ५६ रन पुग्दा ६ विकेट गुम्यो ।

त्यसपछि पनि ब्याट्सम्यान टिक्न सकेनन् र एकपछि अर्को गर्दै आउट हुँदै गए । यसरी पपुवा न्युगिनीको इनिङ्स अन्तिम ओभरमा सामान्य स्कोरमा समाप्त भयो । न्यूजिल्याण्डका लागि, लोकी फर्गुसनले सबैभन्दा बढी तीन विकेट लिए र टी–२० विश्वकपमा चार मेडेन ओभर बलिङ गर्ने पहिलो बलर पनि बने ।

लक्ष्य पछ्याउने क्रममा न्युजिल्यान्डको सुरुवात पनि खराब रह्यो । ओपनर फिन एलन इनिङ्सको दोस्रो बलमा खाता खोल्न नसकेर आउट भए । रचिन रविन्द्रले पनि ६ रन बनाएर आउट भए । कप्तान केन विलियम्सन सँगसँगै डेभन कोनवेले स्कोरलाई ५० भन्दा माथि पुर्याए । तर उनी पनि ३२ बलमा ३५ रन बनाएर आउट भए ।

उनले तीन छक्का र दुई चौका प्रहार गरे । त्यसपछि विलियम्सन र ड्यारिल मिचेलले न्युजिल्याण्डलाई सहजै १३ ओभरमा जित दिलाए । विलियम्सनले १८ तथा मिचेलले १९ रनको नटआउट पारि खेलेका थिए । पपुवा न्युगिनीका लागि काबुवा मोरीले सर्वाधिक २ विकेट लिए ।

समूह सी मा परेको न्युजिल्याण्डको टोली खेल अघि नै सुपर ८ को दौडबाट बाहिर थियो । यस समूहबाट अफगानिस्तान र वेस्ट इन्डिज सुपर ८ मा पुगेका छन् भने न्युजिल्यान्ड, युगान्डा र पपुवा न्युगिनी यसअघि नै पहिलो चरणबाटै बाहिरिएका छन् ।

यसैबीच, न्युजिल्याण्डको स्टार बलर ट्रेन्ट बोल्टले क्रिकेटबाट सन्यास लिएका छन् । यसअघि नै सन्यसा घोषणा गरेको बोल्टले पीएनजीविरुद्ध अन्तिम टी–२० खेलेका हुन् ।

बायाँ हाते तीब्र गतिका बलर बोल्टले न्युजिल्यान्डको सेन्ट्रल कन्ट्रयाक्टबाट धेरै अघि नै आफूलाई अलग गरेका थिए । तर पनि उनी गत वर्षको एकदिवसीय विश्वकप र यस वर्षको टी–२० विश्वकपमा खेलेका थिए । हालै उनले टी–२० विश्वकपमा अन्तिम पटक देखिने घोषणा गरेका थिए । टूर्नामेंटको आफ्नो अन्तिम खेलमा, बोल्टले पपुवा न्यू गिनी विरुद्ध ४ ओभरमा १४ रन दिएर २ विकेट लिए । उनले पीएनजीका हिरी हिरी र नर्मन भानुवालाई पभेलियन पठाएका थिए ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
काभा यू–२० महिला भलिबलमा नेपालको पहिलो जित

माले । माल्दिच्समा भईरहेको काभा यु–२० महिला भलिबल च्याम्पियनसिपमा नेपालले पहिलो जित हासिल

धरानमा ‘कोरा राइड साइक्लिङ च्यालेन्ज’ आयोजना

  धरान । प्लाडलर्स धरानको आयोजना तथा रोटरी क्लब अफ घोपाको संयोजनमा शनिबार

नेपाल दक्षिण एसियाली करातेमा ६२ पदकसहित टिम च्याम्पियन

काठमाडौं । नेपाली कराते टोली भुटानको थिम्पुमा सम्पन्न आठौँ दक्षिण एसियाली कराते प्रतियोगितामा

महिला एशिया कप क्रिकेटको पहिलो खेलमा यूएईमाथि नेपालको जित

  काठमाडौँ ।  नेपालले एसीसी महिला एसिया कप क्रिकेट २०२४ प्रतियोगिताअन्तर्गत शुक्रबार भएको