आयरल्याण्डलाई ३ रनले पराजित गर्दै नेपाल विजयी
काठमाडौँ । नेपाल ‘ए’ ले टी–२० क्रिकेटमा आयरल्यान्ड ‘ए’ लाई पराजित गरेको छ । सोमबार भएको खेलमा नेपालले आयरल्याण्डलाई तीन रनले हराएको हो । तीन खेलको टी–२० शृंखला भने आयरल्यान्डले २–१ ले जित्यो । पहिलो र दोस्रो खेलमा आयरल्यान्ड विजयी भएको थियो ।
कीर्तिपुरस्थित त्रिवि अन्तर्राष्ट्रिय क्रिकेट मैदानमा टस हारेर पहिले ब्याटिङको निम्तो पाएको नेपाल ‘ए’ ले निर्धारित ओभरमा सात विकेट गुमाएर दुई सय १३ रन बनाएको थियो । जवाफी ब्याटिङमा ओर्लिएको आयरल्यान्डले २० ओभरमा सात विकेट गुमाएर दुई सय १० रनमात्र बनाउन सक्यो ।
