एनएसएलमा धनगढीलाई पराजित गर्दै झापाको जित

काठमाडौं । नेपाल सुपर लिगमा धनगढी एफसी पराजित भएको छ । बुधबार त्रिपुरेश्वरस्थित दशरथ रंगशालामा भएको खेलमा झापा एफसी धनगढी एफसीलाई २–० गोल अन्तरले पराजित गर्दै तालिकाको चौथो स्थानमा उक्लिएको हो । झापालाई जित दिलाउन अन्जन विष्ट र समिराज ठोकरले समान एक–एक गोल गरे ।

पहिलो हाफ गोलरहित बराबरीमा सकिएको खेलको ५३ औं मिनेटमा अन्जनले गोल गर्दै झापालाई शुरुवाती अग्रता दिलाएका थिए । यस्तै ७७ औं मिनेटमा समिराजले गोल गर्दै झापालाई २–० गोलको जित दिलाएका हुन् । जितसँगै झापाले ७ खेलबाट १० अंक जोडेको छ । समान खेलबाट धनगढीले १२ अंक जोडेको छ ।