नेपालले सिंगापुरलाई दियो १८५ रनको लक्ष्य
काठमाडौं । एसीसी यु–१६ इस्ट जोनकप क्रिकेटको सेमिफाइनलमा नेपालले सिंगापुरलाई १८५ रनको लक्ष्य दिएको छ। मलेसियामा भइरहेको प्रतियोगिताको सेमिफाइनल खेलमा नेपालले टस जितेर ब्याटिङ रोजेको थियो ।
निर्धारित ३५ ओभरमा ९ विकेट गुमाएर नेपालले १८४ रनको योगफल तयार गर्यो । नेपालका लागि सूर्यांशु कोइरालले सर्वाधिक ४३ रन बनाए। यस्तै, निरज यादवले ४२ रन बनाए ।
आशि लुहार ६, नरेन भट्ट ३, प्रतिक भट्टराई १२ रनमा आउट भए। सन्तोष यादवले २४ बल खेल्दै १८ रन बनाए। कप्तान अभिषेक तिवारीले २५ रन बनाए। दीप भुजेल १५ बलमा १२ रन बनाएर अविजित रहे। यस्तै, कृतिक कामत १० रनमा आउट भए। प्रतिक पोखरेल ३ रनमा अविजित रहे । नेपालविरुद्ध सिंगापुरका हरिहरनले ३ विकेट लिए।
यस्तै, कबीर बर्लिया र हर्श भेङ्कटरामले २÷२ तथा प्रनव धनुकाले १ विकेट लिए । समूह विजेताको रुपमा सेमिफाइनल प्रवेश गरेको नेपाल सिंगापुरलाई हराएर फाइनल प्रवेश गर्ने लक्ष्यमा छ ।
नेपालले समूह चरणमा थाईल्यान्डलाई २२५ रन र मलेसियालाई ८४ रनले हराएको थियो । सिंगापुरले इन्डोनेसियालाई १०४ र माल्दिभ्सलाई २४५ रनले हराएको थियो। सिंगापुर हङकङसँग भने ७ विकेटले पराजित भएर समूह उप विजेताको रुपमा सेमिफाइनल प्रवेश गरेको थियो।