बंगलादेशलाई पराजित गर्दैै कुवेत साफ च्याम्पियनसिपको फाइनलमा
काठमाडौं । कुवेत साफ च्याम्पियनसिपको फाइनलमा पुगेको छ । शनिबार भएको खेलमा बंगलादेशलाई पराजित गर्दै कुवेतले फाइनलमा स्थान बनाएको हो ।
भारतको बैंग्लोरको श्री कान्तिराभा रंगशालामा भएको खेलमा कुवेतका अब्दुल्ला अम्मर मोहम्मदले विजयी गोल गरेका थिए । खेलको निर्धारित समयमा गोल हुने नसकेपछि खेल अतिरिक्त समयमा गएको थियो ।
अब्दुल्लाले अतिरिक्त समयको पहिलो हाफको थपिएको समयमा गोल गरेका हुन् ।त्यसपछि खेलमा थप गोल हुन नसक्दा कुवेत फाइनलमा स्थान बनाएको हो । कुवेतले उपाधिका लागि दोस्रो सेमिफाइनलको विजेतासँग खेल्ने छ । दोस्रो सेमिफाइनलमा आज भारत र लेबनन खेल्दैछन् ।
