नेदरल्याण्डलाई १६८ रनको लक्ष्य
काठमाडौं । आईसीसी एकदिवसीय विश्वकप छनोट अन्र्तगत नेपालले नेदरल्याण्डलाई १६८ रनको लक्ष्य दिएको छ । जिम्बावेको ताकाशिंगा क्रिकेट स्पोर्ट्स क्लबमा टस हारेर ब्याटिङको निम्तो पाएको नेपाल ४३ दशमलब ३ ओभरमा १६७ रनमा अलआउट भयो ।
जसमा कप्तान रोहित पौडेलले ३३,सन्दीप लामिछानेले २७,कुशल भुर्तेलले २७,भीम सार्कीले २२ रनको योगदान गरे । नेदरल्यान्ड्सका लोगन भान बीकले ४ तथा बास डि लिडे र बिक्रमजित सिंहले समान दुई विकेट लिए ।
आफ्नो समूह चरणको अन्तिम खेलमा नेपालले नेदरल्यान्ड्ससँग प्रतिस्पर्धा गर्न लागेको हो । दुईवटा खेलमा पराजित तथा एक खेलमा बिजयी नेपालले सुपर सिक्समा पुग्ने लक्ष्य नेदरल्यान्ड्सलाई हराएर मात्र पुरा हुने भए पछि नेपाललाई थप दबाब परेको छ । नेदरल्याण्डलाई हराउन नसके नेपाल तीनवटा खेलमा पराजित हुदैँ समूह चरणबाटै बाहिरिने छ ।
