सातदोबाटोद्वारा थ्रीस्टारमाथि दुई शून्यको जित

काठमाडौं । शहीद स्मारक ए डिभिजन लिग फुटबलमा सातदोबाटो युथ क्लब विजयी भएको छ । १९ औं चरण अन्तर्गत सातदोबाटोले थ्रीस्टार क्लबमाथि २–० गोल अन्तरको जित दर्ता गरेको हो ।

त्रिपुरेश्वरस्थित दशरथ रंगशालामा शनिबार भएको खेलमा सातदोबाटो जित निकाल्दै चौथो स्थानमा यथावत रहेको छ । जितसँगै सातदोबाटोले शीर्ष स्थानमा रहेको चर्च ब्वाइजसँग अझैं ७ अंकले पछि रहेको छ । हारसँगै थ्रीस्टारलाई उपाधि होडमा कमजोर बनाएको छ ।