शेर्पा र मनाङ एक एक गोलको बराबरीमा
काठमाडौं । ए डिभिजन लिग फुटबलमा हिमालयन शेर्पा र मनाङ मस्र्याङ्दी क्लबले अंक बाँडेका छन् । शुक्रबार एन्फा मैदान सातदोबाटोमा शेर्पा र मनाङले एक एक गोलको बराबरी खेल्दै अंक बाँडेका हुन् ।
मनाङका लागि निराजन धामीले १३ औं मिनेटमा गोल गरेका थिए । पहिलो हाफकै ३६ औं मिनेटमा शेर्पाका अबायानी फकुल्नीले गोल गर्दै खेल बराबरीमा ल्याए । बराबरीसंगै मनाङ १७ खेलबाट २१ अंक रहेको छ भने हिमालयनको १७ खेलमा २१ अंक रहेको छ ।
