ए डिभिजन लिगमा आर्मीको जित
काठमाडौं । त्रिभुवन आर्मी फुटबल क्लवले शहिद स्मारक ए डिभिजन लिगको आठौं चरणमा जावलाखेल युथ क्लवलार्ई पराजित गरेको छ । आर्मीले जावलाखेललाई ३–१ गोल अन्तरले पराजित गरेको हो ।
एन्फा कम्प्लेक्स सातदोबाटोमा मंगलबार भएको खेलमा आर्मीका जिलेप्सी जंग कार्की, नवयुग श्रेष्ठ र सुदिल राईले एक एक गोल गर्दा जावलाखेलका लागि सुनिल खड्काले सान्त्वना गोल गरे । खेलको १७ औं मिनेटमा आर्मीले अग्रता बनाएको थियो । उसका लागि जिलेप्सी जंग कार्कीले गोल गरेका थिए ।
पहिलो हाफमा एक गोलको अग्रता बनाएको आर्मीले दोस्रो हाफमा थप दुई गोल गर्दा एक गोल खान पुग्यो । खेलको ५५ औं मिनेछमा आर्मीले अग्रता दोब्बर बनायो । आर्मीले नवयुग श्रेष्ठको गोलले अग्रता दोब्बर बनाएको हो । खेलको ६२ औं मिनेटमा जावलाखेलले गोल गर्दै खेलमा फर्कने संकेत गरेको थियो ।
जावलाखेलका लागि सुनिल खड्काले गोल गरेका हुन् । खेलको ८० औं मिनेटमा सुदिल राईको गोलले अग्रतालाई ३–१ मा पुर्यायो । त्यसपछि जावलाखेलले थप गोल फर्काउन नसक्दा आर्मीसँग पराजित भएको छ ।
