जहाँ पाँच महिनादेखि खेलकुद मन्त्री छैन, अनि यस्तो देशमा खेलाडीहरु खेल्दाखेल्दै विदेश नगए कुन देश को जान्छ ?
काठमाडौं । काठमाडौं महानगरपालिकाका मेयर बालेन साहले लामो समयदेखि खेलकुद मन्त्रालय मन्त्रीविहीन भएको भन्दै सरकारलाई कटाक्ष गरेका छन् ।
प्रधानमन्त्री थ्रि नेशन्स कप विजेता नेपाली टोलीलाई बधाई दिँदै मेयर साहले सरकारले खेल क्षेत्रलाई बेवास्ता गरेको भन्दै कटाक्ष गरेका हुन् । उनले प्रतियोगिता उद्घाटन र मेडल वितरण गर्न हानाथाप गर्ने तर बजेट मन्त्री दिन नसक्ने भन्दै आपत्ति जनाएका छन् ।
उनले भनेका छन्, ‘बधाइ छ टिम नेपाल तर भोट माग्दा युवाले देश बनाउन सक्छ भन्ने युवालाई मौका दिनुपर्छ भन्ने । खेलकुदले देशलाई चिनाउँछ भन्ने हरेक खेलकुद प्रतियोगितामा दौडेर उद्घाटन र मेडल बाँड्न जाने, कुनै खेल जित्नासाथ नेताहरु बधाइ दिन हानाथाप गर्ने , आज नयाँ सरकार बनेको छ , कुनै पार्टी युवा तथा खेलकुद मन्त्रालय लिन इच्छुक छैन बजेट सबै भन्दा थोरै भएर हो कि ? अनि खेलाडीले नेपालमा भविष्य कसरी देख्छ जुन देशमा विगत ५ महिनादेखि खेलकुद मन्त्री पाएको छैन । अनि यस्तो देशमा खेलाडीहरु खेल्दा खेल्दै विदेश नगए कुन देश को जान्छ ?’