थ्री नेसन्स कपमा लाओसविरुद्ध नेपालको अग्रता
काठमाडौं । प्रधानमन्त्री थ्री नेसन्स कप फुटबलको उद्घाटन खेलमा लाओसविरुद्ध घरेलु टिम नेपालले सुरुवाती अग्रता बनाएको छ । अनन्त तामाङले गोल गर्दै नेपाललाई १–० गोलको अग्रता दिलाए ।
दशरथ रंगशालामा सुरू भएको खेलको ३०औँ मिनेटमा अनन्तले हेडर गोल गरे । उनले नविन लामाले प्रहार गरेको कर्नर बललाई हेडबाट गोल गरेका हुन् ।
यसअघि एरिक विष्टले खेलको १८औँ मिनेटमा दिएको पासलाई पुजनले गरेको प्रहार पोष्टभन्दा माथिबाट बाहिरिएपछि नेपालले अग्रता बनाउने मौका गुमायो ।
