युएईविरुद्ध नेपाल बलिङ गर्दै
काठमाडौं । आईसीसी विश्वकप लिग टू अन्तर्गतको अन्तिम शृंखलामा युएईविरुद्ध नेपाल खेल्दैछ । त्रिवि क्रिकेट मैदान कीर्तिपुरमा नेपालले टस हारेर बलिङको निम्ता पाएको छ । करण केसीलाई बेन्चमा राखेर गुल्शन झालाई खेलाईएको छ ।
नेपाल, युएई र पुवा न्युगिनी पीएनजीसम्मिलत त्रिकोणात्मक एक दिवसीय सिरिजमा नेपालले अहिलेसम्म ३ खेलमा जित निकालेको छ भने समग्रमा पछिल्ला ११ खेलमा १० जित निकालेको छ ।
नेपाल आज पनि युएईविरुद्ध जित निकाल्दै सिरिज क्लिनस्वीप गर्ने लक्ष्यमा रहने छ । आज युएईलाई पराजित गर्दै स्पष्ट २ अंक लिँदै आईसीसी विश्वकप लिग टूमा सहभागी सात टिम मध्य तेस्रो स्थानमा रहँदै जिम्बाबेमा विश्वकप छनोट खेल्न जाने छ । आज युएईसँग पराजित भएमा भने नेपाल नामेवियामा हुने प्ले अफ खेल्नु पर्ने छ । प्लेअफका शीर्ष २ टिमले जिम्बाबेमा विश्वकप छनोट खेल्ने छन् ।
