ए डिभिजन लिगमा खुमलटारको जित
काठमाडौं । राजधानीमा जारी सहिद स्मारक ए डिभिजन लिग फुटबलमा एफसी खुमलटारले दोश्रो जित निकालेको छ ।
सोमबार ललितपुरको च्यासल मैदानमा हिमालयन शेर्पा क्लबलाई २–१ गोल अन्तरले हराउँदै खुमलटारले दोस्रो जित निकालेको हो । खुमलटारको जितमा मनिष थापा र स्टेफन समिरले एक एक गोल गरे ।
हिमालयनका विश्वास श्रेष्ठले एक गोल फर्काए । खेलको २१ औं मिनेटमा मनिषले गोल गर्दै खुमलटारलाई सुरुवाती अग्रता दिलाएका थिए । ६४ औं मिनेटमा समिरले गोल गर्दा खुमलटार २–० ले अघि रह्यो ।
त्यसपछि खेलको ७९ औं मिनेटमा हिमालयनका विश्वासले गोल गरेपनि खुमलटार २–१ ले विजयी भयो । जितसंगै खुमलटारले ४ खेलमा ६ अंक जोडेको छ । हिमालयनले ४ खेलमा ४ अंक जोडेको छ ।
