मैत्रीपूर्ण खेलका लागि भारत जाने महिला फुटबल टोलीको बिदाइ
काठमाडौं । अन्तराष्ट्रिय मैत्रीपूर्ण खेल खेल्न भारत जाने नेपाली राष्ट्रिय महिला फूटबल टोलीलाई बिदाइ गरिएको छ । अखिल नेपाल फुटबल संघ (एन्फा) ले आइतबार भारत जाने महिला फुटबल टोलीलाई बिदाइ गरेको हो ।
राष्ट्रिय खेलकुद परिषद (राखेप) का सदस्य सचिव टंक लाल घिसिङ, एन्फाका उपाध्यक्ष वीर बहादुर खड्का, महासचिव किरण राई लगायतले नेपाली टोलीलाई बिदाइ गरेका हुन् । नेपाली टोली भोलि सोमबार भारत प्रस्थान गर्ने कार्यक्रम रहेको छ । नेपाली टोलीले भारतसँग फेब्रुअरी १५ र १८ मा दुई मैत्रीपूर्ण खेल खेल्नेछ ।
नेपाली टोली :-
गोलकिपर :- एन्जिला तुम्बापो सुब्बा, अञ्जना राना मगर, उषा नाथ
डिफेन्डर :- हिरा कुमारी भुजेल, घिमकुमारी गुरुङ, अमृता जैशी, गीता राना, निशा थोकर, विमला विक, समीक्षा घिमिरे
मिडफिल्डर :- विमला चौधरी, सविता राना मगर, सरु लिम्बु, दीपा शाही, रेणुका नगरकोटी, अनिता बस्नेत, प्रिती राई, अनिता केसी
फरवार्ड :- अमिषा कार्की, रेखा पौडेल, सावित्रा भण्डारी, रश्मी कुमारी घिसिङ, निर्मला विक
