पब्जीको ग्लोबल च्याम्पियनसिपमा नेपाली टीम डीआरएस बन्यो उपविजेता
काठमाडौँ । इन्डोनेसियामा भएको पब्जी मोबाइल ग्लोबल च्याम्पियनसिपमा नेपाली टीम डीआरएस उपविजेता बनेको छ । यस प्रतियोगिताको च्याम्पियन भने टर्कीको एसटू जी ईस्पोर्ट्स बनेको छ ।
नेपालबाट यस पबजी मोबाइल ग्लोबल च्याम्पियनसिपमा डिआरएस गेमिङ र टी२केले भाग लिएका थिए । डिआरएस गेमिङले उप विजेता बनेपछि २ लाख ९२ हजार डलर पुरस्कार पाएको छ ।
त्यस्तै १३औं स्थानमा आएको टी२के ले एक लाख ३२ हजार डलर पुरस्कार पाएको छ । पब्जी मोबाइल ग्लोबल च्याम्पियनसिपको फाइनल हेर्न काठमाडौँ महानगरका मेयर बालेन शाह पनि इन्डोनेसिया पुगेका थिए ।
