काठमाडौंलाई अतिरिक्त समयमा हराउँदै धनगढी एनएसएलको फाइनलमा



काठमाडौं । काठमाडौं रेजर्सलाई अतिरिक्त समयमा पराजित गरी धनगढी एफसी नेपाल सुपर लिग (एनएसएल)को फाइनलमा प्रवेश गरेको छ । दशरथ रंगशालामा मंगलबार भएको खेलको अतिरिक्त समयमा मार्की खेलाडी विशाल राईले निर्णायक गोल गरेका थिए ।

१०८ औं मिनेटमा रमेश दंगालको हेडर पासमा विशालले वान भर्सेस वानमा सहजै गोल गरेका थिए । अतिरिक्त समयको अन्तिम ७ मिनेट काठमाडौंले केहि अवसर सृजना गरे पनि गोल गर्न सकेन ।

११५ मिनेटमा स्टेफन विनोङको फ्रिकिकमा गोलरक्षकले रोकेपछि रिवाउण्ड बलमा अन्जन राईले क्लोज रेन्जबाट गरेको प्रहार आकाशिएसँगै काठमाडौं बराबरी गोल फर्काउन चुकेको थियो । यसअघि निर्धारित ९० मिनेटको समयमा दुवै टोलीले एक एक गोलको बराबरी खेलेका थिए । निरश पहिलो हाफपछि दुवै गोल दोस्रो हाफमा सम्भव भएको थियो ।

७५ औं मिनेटमा तेज तामाङले गोल गरी काठमाडौंलाई अग्रता दिलाएका थिए । मेसुके ओलोमोउको क्रसमा तेजले क्लोज रेन्जबाट ओपन हेडर गोल गरेका हुन् । तीन मिनेटपछि नै धनगढीले बराबरी गोल फर्कायो ।

विशाल राईको कर्नरमा फ्र्यांकलिन कुतेको हेडरलाई सदुपयोग गरी पुजन उपर्कोटी पेनाल्टी एरियाबाट गरेको एक्रोब्याटिक प्रहार उत्कृष्ट गोलमा परिणत भएको थियो ।

काठमाडौंले शनिबार हुने फाइनलमा सिधै प्रवेश पाएको छ भने काठमाडौंले फाइनल प्रवेशका लागि बिहीबार हुने इलिमिनेटर खेल खेल्नेछ । त्यहाँ उसले दोस्रो क्वालिफायर खेलको विजेतासँग प्रतिस्पर्धा गर्नेछ ।
दोस्रो क्वालिफायर खेलमा बुधबार ललितपुर सिटी एफसी र बुटवल लुम्बिनी एफसीबीच प्रतिस्पर्धा हुनेछ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
त्रिकोणात्मक क्रिकेट सिरिज स्थगित

काठमाडौं । नेपालले खेल्ने तय भएको स्कटल्याण्ड र नामिबियासँगको विश्वकप लिग–२ अन्तर्गतको त्रिकोणात्मक

युरोकपको नकआउट समीकरण पूरा

युरोकप २०२० मा लिग चरणका प्रतिस्पर्धा सकिएका छन् । यससँगै अन्तिम १६ मा

क्रोएसिया अन्तिम १६ मा

युरोकप २०२० अनतर्गत समूह ‘डी’ को अन्तिम खेलमा स्कटल्याण्डलाई ३–१ ले पराजित गर्दै

स्टर्लिङको गोलमा इंग्ल्याण्ड समूह विजेता

रहिम स्टर्लिङको गोलको मद्दतमा चेक रिपब्लिकलाई पराजित गर्दै इंग्ल्याण्ड समूह ‘डी’ को विजेता