आइपीएलको अक्सन आगामी महिना
इण्डियन प्रिमियर लिग क्रिकेट आईपीएलको नयाँ सिजन २०२१ को अक्सन आगामी महिना हुने भएको छ । भारतीय क्रिकेट कन्ट्रोल बोर्ड बिसीसीआईका अनुसार फेब्रुअरी ११ मा अक्सन गर्ने तयारी अन्तिम चरणमा पुगेको हो ।
अक्सनकै लागि फ्रेन्चाईज ८ टोलीलाई खेलाडी रिटेन र रिलिज गर्न जनवरी २० सम्मको समयसीमा दिईएको छ । गत संस्करण खेलेका खेलाडीलाई टोलीले सो समयसीमाभित्र रिटेन वा रिलिज गर्ने टुंगो लगाईसक्नु पर्नेछ ।
कोरोना माहामारीका कारण अघिल्लो संस्करणको आईपीएल युएईमा गरेको बिसीसीआईले आगामी सिजनको मिति र स्थान भने तय गरिसकेको छैन । यद्यपी आगामी सिजन ईण्डियामै गर्ने हिसाबमा बोर्डले तयारी थालेको हो । युएईलाई विकल्पका रुपमा अघि सारिने छ ।
आईपीएलमा लगातार तेस्रो संस्करण दिल्ली क्यापिटल्समा आबद्ध नेपाली लेगस्पिनर सन्दीप लामिछानेलाई उनको टोलीले रिलिज गर्ने वा रिटेन गर्ने भन्ने टुंगो पनि जनवरी २० भित्रै लाग्नेछ । अघिल्लो सिजन बेन्चमै सीमित सन्दीपलाई दिल्लीले रिलिज गर्ने सम्भावना बढिरहेको छ ।
