आर्सनलद्वारा म्यान्चेस्टर युनाईटेड पराजित
इंग्लिस प्रिमियर लिग फुटबलमा आर्सनलले म्यान्चेस्टर युनाईटेडलाई १–० ले हराएको छ । गएराति म्यान्चेस्टर युनाईटेडको मैदानमा भएको खेलमा आर्सनललाई विजयी गराउन पिएरे एमरिक औबामायङ्गले पेनाल्टीमार्फत निर्णायक गोल गरे ।
प्रिमियर लिग फुटबलकै अर्को खेलमा टोटनह्याम हट्सपरले ब्राइटनलाई २–१ ले पराजित गर्यो ।
टोटनह्यामका लागि ह्यारी केन र ग्यारेथ बेलले एक एक गोल गर्दा ब्राइटनका तारिक लाम्पटेले एक गोल फर्काए ।
गएराति भएका अन्य खेलहरुमा साउथह्याम्प्टनले एस्टन भिल्लालाई ४–३ ले पराजित गर्दा न्युकासल युनाइटेडले एभर्टनमाथि २–१ को जित निकालेको छ ।
प्रिमियर लिग फुटबलमा आज राति दुई खेल हुने छन् । आज फुल्हमले वेष्ट ब्रोमसँग खेल्दा लिड्स युनाइटेड र लेष्टर सिटी भिड्नेछन् ।
