युभेन्टसद्वारा इटालियन सिरी ‘ए’ मा विजय सुरुवात
डिफेन्डिङ च्याम्पियन युभेन्टसले विजय सुरुवात गरेको छ । युभेन्टसले इटालियन सिरी ‘ए’ मा विजय सुरुवात गरेको हो ।
आइतबार राति भएको खेलमा युभेन्टस्ले साम्पडोरियालाइ ३–० को फराकिलो अन्तले हराउँदै सहज जित हात पारेको छ ।
एलिएन्ज एरिना टुरिनमा भएको खेलमा युभेन्टसका लागि डिजान कुलुसेभ्स्की, लियोनार्दो बोनुची र क्रिस्टियानो रोनाल्डोले गोल गरे । पहिलो हाफमा १ गोल गरेको युभेन्ट्स्ले दोस्रो हाफमा २ गोल थप्यो। खेलको १३औं मिनेटमा डिजान कुलुसेभ्स्कीले गोल गर्दै टोलीलाइ अग्रता दिलाएका थिए ।
युभेन्टसले खेलको ७९औं मिनेटमा गोल गर्दै अग्रता दोब्बर पार्यो। वेस्टन म्याकिनीले गरेको प्रहारलाई गोलरक्षक इमिल ओउडेरोले बचाएपनि रिबाउन्डमा आएको बललाइ लियोनार्दो बोनुचीले जाली चुमाएका थिए । खेलको ८८ औं मिनेटमा रोनाल्डोले गोल गर्दै खेल ३–० को स्थितीमा पुर्याएका थिए ।