लुसिया जुक्सलाई हराउँदै नाइट राइडर्सद्वारा चौथो पटक उपाधि जित्न सफल
नाइट राइडर्सले सेन्ट लुसिया जुक्सलाई हराउँदै चौथो पटक उपाधि जितेको छ । बिहिवार राती भएको फाइनल खेलमा नाइट राइडर्सले सेन्ट लुसिया जुक्सलाई ८ विकेटले हराउँदै चौथो पटक उपाधि जितेको हो ।
राइडर्सका ओपनर लेन्डल सिमन्स ४९ बलमा ८ चौका र ४ छक्का सहित ८४ रनमा अविजित रहे । ड्यारेन ब्राभो ४७ बलमा २ चौका र ६ छक्का सहित ५८ रनमा अविजित रहेको छ । तेस्रो विकेटका लागि सिमन्स र ब्राभोले १ सय ३८ रनको अविजित साझेदारी गर्दै सहज उपाधि दिलाएका थिए ।
मार्क डियाल २९, आन्द्रे फ्लेक्चर ३९, रोश्टन चेश २२ र नाजिबउल्लाह जद्रानले २४ रन बनाउदा अन्यले दोहोरो अंकमा रन बनाउन सकेनन् । राइडर्सका कप्तान काइरन पोलार्डले ४ ओभरमा ३० रन खर्चेर ४ विकेट लिए । अली खान र फवाद अहमदले २–२ विकेट लिए । यसअघि सन् २०१५, २०१७ र २०१८ मा राइडर्सले उपाधि जितेको थियो ।
