रुसी खेलाडी डेनियल मेडभेडेभ युएस ओपन टेनिसको सेमिफाइनलमा

रुसी खेलाडी डेनियल मेडभेडेभ युएस ओपन टेनिसको सेमिफाइनलमा पुगेका छन् । मेडभेडेभले आफ्नै मुलुकका एन्ड्री रुब्लेभलाई सोझो सेटमा पराजित गरेर अन्तिम चारमा स्थान बनाएका हुन् ।

मेदवेदेवले रुब्लेभलाई ७–६, ६–३ र ७–६को सेटमा पराजित गरेका हुन । उनले फाइनल प्रवेशका लागि डोमिनिक थिम वा एलेक्स डी मिनाउरमध्ये एकसँग प्रतिस्पर्धा गर्नेछन् । प्रतियोगितामा मेडभेडेले अहिलेसम्म एक सेट पनि हारेका छैनन । महिलातर्फ भने अमेरिकी सेरेना विलियम्स सेमिफाइनलमा पुगेकी छिन् । सेरेनाले बुल्गेरियन खेलाडी स्वेताना पिरोन्कोभालाई पराजित गरेर अन्तिम चारमा स्थान बनाउन सफल भएकी हुन् ।