सागमा सहभागी १६ बक्सिङ खेलाडीको कोरोना बीमा



काठमाडौं । गतवर्ष नेपालमा सम्पन्न १३औं दक्षिण एसियाली खेलकूद (साग) मा सहभागी बक्सिङ खेलाडीको कोरोना बीमा गरिएको छ । सागमा सहभागी बक्सिङका १६ खेलाडी तथा दुई प्रशिक्षकको बीमा गरिएको हो ।

पूर्व बक्सिङ खेलाडी एवं नेपाल बक्सिङ संघका केन्द्रीय सदस्य ओमनारायण श्रेष्ठले व्यक्तिगत खर्चमा १८ जनाको जनही एक लाख रुपैयाँका दरले बीमा गरेका हुन् । विसं २०७६ मंसिर १५ देखि २४ गतेसम्म काठमाडौं, पोखरा र जनकपुरमा आयोजना गरिएको १३औँ सागमा नेपालबाट १० पुरुष र छ महिला बक्सिङ खेलाडीले प्रतिस्पर्धा गरेका थिए । नेपालले प्रतियोगितामा बक्सिङतर्फ तीन स्वर्ण, छ रजत र छ कास्य पदक प्राप्त गरेको थियो ।

सागमा सनिल शाही, भूपेन्द्र थापा र मीनु गुरुङले स्वर्ण जितेका थिए । यस्तै गणेश प्रधान, आशिष दुवाडी, ललिता महर्जन, माला राई, संगीता सुनार र पुनम रावलले रजत तथा विकास लामा, अर्जुन सिगु, सुशील थापा, तेजबहादुर देउवा, पुरन राई र चन्द्रकला थापाले कास्य पदक प्राप्त गरेका थिए ।

सागमा सहभागी खेलाडीलाई प्रशिक्षण दिएका बक्सिङका मुख्य प्रशिक्षक प्रकाश थापा मगर र प्रवीण तुलाधरको पनि बीमा गरिएको पूर्व बक्सिङ खेलाडी श्रेष्ठले जानकारी दिए । कोरोना भाइरसको महामारीको समयमा खेलाडी र प्रशिक्षकको ज्यान जोखिममा भएकाले बीमा गरिदिएको उनले बताए । बीमा पोलिसी एकमुष्ट रुपमा प्रमुख प्रशिक्षक थापा मगरलाई हस्तान्तरण गरिएको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
किशोरी समूहबीचको क्रिकेटमा सप्तरी विजयी

राजविराज । ‘बालविवाह अन्त्यका लागि मर्यादित महिनावारी’ नाराका साथ बिहीबार राजविराजमा आयोजित किशोरी

नेपाल स्कटल्यान्डसँग ८ विकेटले पराजित

काठमाडौं । आइसिसी विश्वकप क्रिकेट लिग–२ त्रिकोणात्मक एकदिवसीय प्रतियोगिताको अन्तिम खेलमा नेपाल स्कटल्याण्डसँग

फुटबल रङ्गशाला तीन वर्षदेखि अलपत्र

गुल्मी । गुल्मीमा निर्माण गर्न थालिएको लखन थापा अन्तर्राष्ट्रिय फुटबल रङ्गशाला विगत तीन

सूर्य नेपाल काठमाडौं ओपनमा रविको अग्रता कायमै

काठमाडौं । सुर्य नेपाल गल्फ टुर २०२२-२३ अन्तर्गत सिजनको पहिलो प्रतियोगिता सुर्य नेपाल