दोभान युवा क्लब विजेता बन्न सफल

तनहुँको म्याग्दे गाउँपालिका–१ गुणादीस्थित फ्रेण्डसिप युवा क्लबले आयोजना गरेको दोस्रो फ्रेण्डसिप सेभेन ए साइड फुटबल प्रतियोगिताको विजेता बन्न व्यास नगरपालिका–१ दोभान युवा क्लबका खेलाडी सफल भएका छन् । शनिवार व्यास –३ स्थित रिभरसाइड क्लबलाई हराउँदै दोभानले रु एक लाख ११ हजार एक सय ११ प्राप्त गरेको छ । व्यास नगरपालिका–३ रिभरसाइड युवा क्लबका खेलाडीलाई पुरस्कार वितरण गाउँपालिकाका अध्यक्ष मायादेवी रानालगायतद्वारा भएको छ । उपविजेता बन्न सफल रिभरसाइडले रु ५५ हजार ५५५ प्राप्त गरेको हो ।