सिंगापुरद्वारा १२८ रनले दोस्रो जित

काठमाडौं । सिंगापुरले मलेसियालाई १२८ रनले पराजित गर्दै लगातार दोस्रो जित हात पार्न सफल भएको छ । सिंगापुरले एसीसी इस्टर्न रिजन क्रिकेटमा मलेसियालाई १२८ रनले पराजित गर्दै लगातार दोस्रो जित हात पारेको हो ।

थाइल्याण्डमा भइरहेको प्रतियोगितामा फराकिलो हारपछि मलेसियाको ८ खेलको अपराजित यात्रा समेत टुङ्गिएको छ । हङकङविरुद्ध ५ खेलको टी(२० अन्तर्रा्ष्ट्रिय सिरिज क्लिनस्वीप गरेको मलेसियाले यही इस्टर्न रिजनमा नेपाल र थाइल्याण्डलाई पराजित गरेको थियो । लगातार दुई जितपछि सिंगापुर ४ अंकसहित शीर्षस्थानमा छ । २ खेल खेलेको सिंगापुर अपराजित छ । सिंगापुरले पहिलो खेलमा थाइल्याण्डलाई पराजित गरेको थियो । ३ खेल खेलिसकेको मलेसियाको ४ अंक भएपनि रनरेटमा पछि पर्दै दोस्रोमा छ ।

अब बाँकी खेलमध्ये एउटा खेल मात्र नेपालको अनुकुल भएन भने उपाधि जित्ने लक्ष्य राखेको नेपाल शीर्ष दुईको होडबाट बाहिरिँदै एसिया कपबाट समेत टाढिनेछ ।