पोखरामा प्याराग्लाइडिङ वल्र्ड कप ‘एशियन टुर’ शुरु



काठमाडौं । प्याराग्लाइडिङ वल्र्ड कप ‘एशियन टुर’ तथा १९औँ संस्करणको ‘नेपाल ओपन प्याराग्लाइडिङ च्याम्पियनसीप’ आइतबारदेखि पोखरामा शुरु भएको छ । नेपाल हवाई खेलकूद संस्थाको आयोजना तथा नेपाल प्याराग्लाइडिङ तथा ह्याण्डग्लाइडिङ सङ्घ र नेपाल प्याराग्लाइडिङ पाइलट्स क्लबको सहयोगमा सञ्चालन भएको प्रतियोगितामा विभिन्न २० राष्ट्रका ८९ खेलाडी सहभागी छन् ।

एक/दुई जना खेलाडी आइतबार साँझसम्म थप हुने अनुमान आयोजकको छ । प्रतियोगिता आगामी फागुन १७ गतेसम्म सञ्चालन हुनेछ । ‘एशियन टुर’मा नेपालसहित अमेरिका, बेलायत, फ्रान्स, जापान, भारत, कोरिया, स्वीट्जरल्याण्ड, जर्मनी, अष्ट्रेलिया, रसिया, इरान, भियतनाम, चाइनिज ताइपेइ, इन्डोनेसियालगायतका देशका पाइलट सहभागी रहेको प्रतियोगिता संयोजक एवं नाका निर्वतमान अध्यक्ष योगेश भट्टराईले जानकारी दिए ।

पहिलो दिन खेलाडीले सराङकोटबाट उडेर खपौँदीमा अवतरण गर्दै अभ्यास गरेको र सोमबारदेखि ‘क्रसकन्ट्री’ विधाको प्रतिस्पर्धा शुरु हुने उनको भनाइ छ । प्रतियोगितामा सहभागिताका लागि नाम दर्ता गराएका १२ जना चिनियाँ खेलाडीले भने अन्तिम समयमा आएर स्थगन गरेका छन् । कोरोना भाइरसका कारणले उनीहरु प्रतियोगितामा सहभागी हुन नसकेको बताइएको छ । नेपालका १५ जना खेलाडी सहभागी भएको भट्टराईले बताए । यस टुरबाट पाँचदेखि आठ जना खेलाडी विश्वकपका लागि छनोट गर्ने योजना छ ।

यस वर्ष नेपालसहित इन्डोनेसिया र चीनमा तय भएको एशियन टुरबाट छनोट भएका खेलाडीहरु ‘पोइन्ट’ र ‘र्याङकिङ’का आधारमा सन् २०२१ मा हुने प्याराग्लाइडिङको विश्वकप सुपर फाइनलमा प्रवेश पाउने छन् । एयिशाली मुलुकबाट विश्वकपमा सहभागी हुने खेलाडी न्यून रहेको अवस्थामा यस प्रतियोगिताले एशियाली खेलाडीको सङ्ख्या बढाउने विश्वास लिइएको छ ।

एफएआई (फेडेरेशन एरोनोटिक इन्टरनेशनल)बाट लाइसेन्स प्राप्त गरेको र वल्र्ड पाइलट ¥याङकिङमा आवद्ध पाइलटहरु मात्र प्रतियोगितामा सहभागी रहेको हवाई खेलकुद संस्थाका अध्यक्ष कृष्ण भण्डारीले जानकारी दिए । ‘क्रसकन्ट्री’ विधाको प्रतिस्पर्धामा समग्रमा विजेता बन्न सफल पहिलोदेखि दशौँ स्थानसम्मका खेलाडीलाई मेडल, प्रमाणपत्र र ट्रफी प्रदान गरिने जनाइएको छ ।

त्यसैगरी महिला च्याम्पियसनसीप, टिम च्याम्पियनसीप र नेपाली च्याम्पियनमा पहिलोदेखि पाँचौँ स्थानसम्मका विजेतालाई समेत ट्रफी, मेडल र प्रमाणपत्र प्रदान गरिने आयोजकले जनाएको छ । मनोरञ्जनात्मक एवं साहसिक हवाई खेलकूदको माध्यमबाट पर्यटन क्षेत्रको विकास गर्दै राज्यको आर्थिक समृद्धिमा टेवा पु¥याउनुका साथै नेपाल भ्रमण वर्ष २०२० लाई सफल बनाउन प्रतियोगिताले मद्दत पुग्ने दाबी आयोजकको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
चर्च ब्वाइज भोजपुर गोल्डकपको फाइनलमा

  टक्सार (भोजपुर) । ब्वाइज युनाइटेड काठमाडौँ भोजपुरमा जारी सातौँ संस्करणको अन्तर्राष्ट्रिय आमन्त्रित

वेस्ट इन्डिजसँगको श्रृंखलाका लागि तयार छौंः कप्तान पौडेल

काठमाडौं । नेपाली क्रिकेट टोलीका कप्तान रोहित पौडेलले वेस्ट इन्डिज ‘ए’ विरुद्ध घरेलु

टी- ट्वान्टी क्रिकेटमा सुदूरपश्चिम विजयी

  काठमाडौँ । वीर गणेशमान सिंह टि–ट्वान्टी राष्ट्रिय क्रिकेट प्रतियोगितामा सुदुरपश्चिम प्रदेश बागमती

प्रिमियर लिगमा सिटीको जित

काठमाडौं । इंग्लिस प्रिमियर लिग फुटबलको उपाधि होड थप रोमाञ्चक बनेको छ ।