विभागीय टिम एपिएफ क्लब ९ अंक बनाएर १२औं स्थानमा
काठमाडौं । सातदोबाटोस्थित एन्फा कम्प्लेक्समा सहिद स्मारक ए डिभिजन लिग फुटबलमा विभागीय टिम एपिएफ क्लबले १२औं स्थानमा लिग सकाएको छ ।
बिहीबार ब्रिगेड ब्वाइज क्लब (बिबिसी) सँग १–१ गोलको बराबरी खेल्दै १२औं स्थानमा लिग सकाएको हो । खेलेको ४४औं मिनेटमा आशिष लामाले गोल गर्दै एपिएफलाई पहिलो हाफसम्म १–० गोलको अग्रता दिलाए । खेलको अतिरिक्त समयमा बिबिसीका लागि विजय गुरुङले गोल गर्दै हारबाट जोगाए ।
१३ खेल खेल्दै एपिएफले २ खेलमा जित, ३ खेलमा बराबरी र ८ खेलमा हार ब्यहोर्दै ९ अंक बनाएर १२औं स्थानमा लिग सकाएको छ ।
