साविक विजेता मनाङ मर्स्याङ्दी ४-१ गोलले विजय
काठमाडौँ – शहिद स्मारक ए डिभिजन लिग फुटबलअन्तर्गत भएको खेलमा साविक विजेता मनाङ मर्स्याङ्दीले न्युरोड टिम एनआरटीलाई ४-१ गोलले हराएको छ ।
आइतबार मनाङको जितमा अन्जन विष्टले दुई तथा विमल राना र दयानन्द सिंहले एक एक गोल गरे। ११ खेलबाट २२ अंक भएको मनाङ शीर्षस्थानमा रहेको नेपाल आर्मीभन्दा चार अंकले पछाडि छ। अब दुवै टोलीले समान दुई खेल खेल्न बाँकी छ। आर्मीले एक खेल जितेमात्र पनि मनाङ उपाधि होडबाट बाहिरिने छ । दोस्रो स्थानमा रहेको मच्छिन्द्र क्लबको ११ खेलबाट २५ अंक छ ।
