चर्चित अमेरिकी बास्केटबल खेलाडी कोबे ब्रायन्टको हेलिकप्टर दुर्घटनामा निधन

चर्चित अमेरिकी बास्केटबल खेलाडी कोबे ब्रायन्टको हेलिकप्टर दुर्घटनामा निधन भएको छ । क्यालिफोर्नियाको क्यालाबास सहरमा भएको दुर्घटनामा कोबे, उनकी छोरी जियानासहित ९ जनाको मृत्यु भएको प्रहरीले जनाएको छ । ४१ वर्षिय ब्रायन्टसहित ९ जना सवार निजी हेलिकप्टर खसेपछि त्यसमा ठूलो विस्फोटसहित आगलागी भएको थियो ।

लस एन्जल्स काउन्टी शेर्रिफले घटनामा कोही पनि जिवित नभेटिएको जनाएको छ । पाँच पटक एनबिए च्याम्पियन रहिसकेका ब्रायन्टलाई बास्केट बल इतिहासकै महान खेलाडीमध्येको एक मानिन्छ ।