च्यासलद्वारा बिबिसी लाई १–० ले हराए

काठमाडौं । दशरथ रगंशालामा च्यासल युथ क्लबले कÞतार एयरवेज सहिद स्मारक ए डिभिजन लिग फुटबलमा दोस्रो जित हासिल गरेको छ । शुक्रबार भएको खेलमा च्यासलले ब्रिगेड ब्वाइज क्लब (बिबिसी) लाई १–० ले हराएको हो ।

कप्तान सन्तोषको गोल खेलको निर्णायक बन्यो। सन्तोषले इन्जुरी समयमा ताईका नाकामुराको पासमा गोल गर्दै टोलीका लागि ३ अंक जोड्न सफल भएका हुन्।
सुरुवाती खेल जितेपछि लय समात्न नसकेको च्यासलले आठौ चरणमा बल्ल जित निकालेको हो । जितसँगै च्यासल आठौ स्थानमा छ ।

२ मा जित हात पारेको च्यासलले ३ मा बराबरी र ३ मा हार बेहोर्दै ९ अंक जोडेको छ ।