ज्ञानेन्द्र मल्लको कप्तानीमा १४ सदस्यीय टोलीको घोषणा ,टोलीमा दुई नयाँ खेलाडी
काठमाडौं । नेपाल क्रिकेट संघ (क्यान)ले ज्ञानेन्द्र मल्लको कप्तानीमा त्रिकोणात्मक एकदिवसीय सिरिजका लागि नेपाली टोलीको घोषणा भएको छ । घरेलु मैदानमा हुने पहिलो एकदिवसीय सिरिजका लागि १४ सदस्यीय टोलीको घोषणा गरेको हो ।
शुक्रबार घोषणा भएको टोलीमा दुई नयाँ खेलाडीले स्थान बनाएका छन् । जसमा कमल सिंह ऐरी र सुशन भारी रहेका छन् । स्पिनर बसन्त रेग्मीको स्थानमा सुशन भारीले मौका पाए भने अलराउण्डर सोमपाल कामीको स्थानमा कमलसिंह ऐरीले स्थान बनाए । कीर्तिपुरस्थित टियु मैदानमा हुने सिरिज फेब्रुवरी ५ देखि १२ सम्म चल्नेछ ।
