जाउलाखेल ८ खेलबाट १२ अंक जोड्दै चौथो स्थानमा
जाउलाखेल युथ क्लब चौथो स्थानमा उक्ले
काठमाडौं । दशरथ रंगशालामा शहीद स्मारक ए डिभिजन लिगमा जाउलाखेल युथ क्लबले एपीएफ क्लबलाई पराजित गर्दै चौथो स्थानमा उक्लेको छ ।
बिहीबारको खेलमा जाउलाखेल युथ क्लबले शहीद स्मारक ए डिभिजन लिगमा एपीएफ क्लबलाई पराजित गर्दै चौथो स्थानमा उक्लेको हो । खेलमा ललितपुरे क्लब जाउलाखेलले विभागीय टोली एपीएफलाई १(० ले पराजित गरेको हो । जाउलाखेललका लागि एक मात्र गोल फोडे फोफानाले ७१ औं मिनेटमा गरेका हुन् ।
यस सिजन तेस्रो जित हात पारेको जाउलाखेल ८ खेलबाट १२ अंक जोड्दै चौथो स्थानमा उक्लेको छ । जाउलाखेलले ८ मध्ये ३ खेलमा जीत, ३ खेलमा बराबरी खेलेको थियो भने दुई खेलमा हार ब्यहोरेको थियो ।
