नेपाली ८ खेलका खेलाडीको जापानमै प्रशिक्षण



टोकियो । नेपाली खेलाडीहरुले जापानमै प्रशिक्षण पाउने भएका छन् । २०२० टोकियो ओलम्पिकमा प्रतिस्पर्धा गर्ने नेपाली खेलाडीहरुले जापानमै प्रशिक्षण पाउने भएका हुन् । नेपाली खेलाडीहरुलाई जापानमा प्रशिक्षणको लागि यहाँको तोकोशिमा प्रिफेक्चरले सहयोग गर्ने भएको छ ।
नेपाली खेलाडीलाई जापानमा प्रशिक्षण व्यवस्था मिलाउने विषयमा नेपाल ओलम्पिक कमिटी (एनओसी) र तोकोशिमा प्रिफेक्चरबिच सोमबार जापानमा समझदारीपत्रमा हस्ताक्षर भएको छ । सम्झौता अनुसार ओलम्पिक खेलमा सहभागी हुन आउने नेपाली खेलाडीहरुले जापानमै रहेर १५ दिन प्रशिक्षण गर्नेछन् । यसको लागि नेपाली खेलाडी र प्रशिक्षकहरुलाई जापानमा रहन र प्रशिक्षण केन्द्र उपलब्ध गराउने काम तोकोशिमा गर्भनर कार्यालयले गर्नेछ । यस विषयमा तोकोशिमा प्रिफेक्चरका गर्भनर कामोन इजुमी र नेपाल ओलम्पिक कमिटिका अध्यक्ष जीवनराम श्रेष्ठबिच समझदारीपत्रमा हस्ताक्षर भएको हो ।
तत्कालको लागि स्विमिङबाट गौरिका सिंह र एलेक्जेण्डर शाहले जापानमै प्रशिक्षण गर्ने निश्चित भएको छ । आर्चरीबाट ओलम्पिकमा प्रतिस्पर्धा गर्ने नेपाली खेलाडीहरुले पनि यहीँ प्रशिक्षण पाउने भएका छन् ।
सम्झौता अनुसार आर्चरी र स्विमिङसँगै ८ खेलका खेलाडी र प्रशिक्षक गरेर कुल १६ जनाको लागि जापानमा रहने सम्पूर्ण व्यवस्था तोकोशिमा प्रिफेक्चरबाट हुने भएको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
सन्दीपको दुई विकेटको मद्दतमा होबार्ट विजयी

काठमाडौं । नेपाली खेलाडी सन्दीप लामिछानेले दुई विकेट लिएको खेलमा उनी आबद्ध टोली

ला लिगामा बार्सिलोना र एथ्लेटिको मड्रिड विजयी

स्पेनिस ला लिगा फुटबलमा गएराति बार्सिलोना र एथ्लेटिको मड्रिड विजयी भएका छन् ।

लिभरपुललाई हराउँदै म्यानचेस्टर एफए कपको पाँचौं चरणमा प्रवेश

लिभरपुललाई हराउँदै म्यान्चेस्टर युनाईटेड एफए कप फुटबलको पाँचौ चरणमा प्रवेश गरेको छ ।

बायर्न ७ अंककासाथ शीर्ष स्थानमा

जर्मन बुण्डेश लिगा फुटबलमा बायर्न म्युनिखले शीर्ष स्थानमा ७ अंकको अग्रता लिएको छ