एपीएफ पहिलो सेटमा २५–१८ पराजित
काठमाडौं । त्रिपुरेश्वरस्थित राष्ट्रिय खेलकुद परिषद्को कभर्ड हलमा विभागीय टोली एपीएफ क्लब एनभीए प्रतियोगिताको सेमिफाइनलमा प्रवेश गरेको छ । बुधबार पुरुष क्लब भलिबल च्याम्पियनसिप प्रतियोगिताको सेमिफाइनलमा प्रवेश गरेको हो । भएको दोस्रो क्वाटरफाइनल खेलमा एपीएफले बुद्ध टोललाई सोझो सेटमा पराजित गर्दै सेमिफाइनलको यात्रा तय गरेको छ ।
खेलमा एपीएफले बुद्धलाई पहिलो सेटमा २५–१८ पराजित गरेको एपीएफले दोस्रो सेटमा २५–१७ र २५–११ को सेटमा पराजित गरेको थियो । नेपाल भलिबल संघ (एनभीए) को आयोजना तथा राष्ट्रिय वाणिज्य बैंक (आरबीबी) को मुख्य प्रायोजनमा जारी प्रतियोगिताको यो पाँचौं संस्करणको महिला पुरुष दुवैतर्फका विजेताले २ लाख, दोस्रो हुने टोलीले १ लाख र तेस्रो टोलीले ५० हजार रुपैयाँ प्राप्त गर्नेछ ।
त्यसैगरी सर्वोत्कृष्ट महिला पुरुष खेलाडीले समान २५ हजार रुपैयाँ पाउदा विधागतका उत्कृष्ट खेलाडीहरुले समान १० हजार रुपैयाँ प्राप्त गर्नेछन् ।
