क्रिकेट प्रतियोगितामा मलेसिया ११ को सान्तवना जित,सुहरिल फित्रीको ४ विकेट
इनरुवा रंगशालामा मलेसिया ११ ले मनमोहन मेमोरियल (एमएम) कप एकदिवसीय राष्ट्रिय क्रिकेट प्रतियोगितामा सान्तवना जित निकालेको छ । समूह ‘डी’ अन्तर्गत भएको अन्तिम खेलमा गण्डकी प्रदेशलाई १ सय ९२ रनको फराकिलो अन्तरले पराजित गर्दै मलेसिया ११ ले सान्तवना जित निकालेको हो ।
सोमबार २ सय ९९ रनको लक्ष्य पच्छाएको गण्डकी २७ दशमलव २ ओभरमा १ सय ६ रनमा अलआउट भएपछि मलेसिया विजय भएको हो । गण्डकीका लागि विपिन खत्रीले सर्वा्धिक ४२ रन बनाउँदा प्रविन ढकालले १९ रन बनाए । विधान श्रेष्ठले १० रन बनाउनुबाहेक अन्यको प्रदर्शन सम्झनलायक रहेन् ।
मलेसिया ११ का सुहरिल फित्रीले ४ विकेट लिए । अनवार रहमान र विजय उन्नीले समान ३–३ विकेट लिए ।
