सागमा प्रथम स्थान हासिल गर्ने फुटबल खेलाडीलाई पुरस्कारको घोषणा गर्न गणेश थापाको माग

गणेश थापा ।

13औं दक्षिण एसियाली खेलकुदमा प्रथम स्थान हासिल गर्ने फुटबल खेलाडीहरुलाई अखिल नेपाल फुटबल सङ्घ बाट हाल सम्म पनि पुरस्कारको घोषणा भएको छैन। यथासक्य चाँडो पुरस्कारको घोषणा गर्नको निमित्त अखिल नेपाल फुटबल सङ्घको ध्यानाकर्षण गर्न चाहन्छु।

12औं दक्षिण एसियाली खेलकुदमा प्रथम स्थान हासिल गर्ने नेपाली राष्ट्रिय फुटबल टीमलाई पुरस्कार दिने क्रममा खेलाडीहरूको निमित्त तलब र भत्ता को निमित्त fixed deposit मा राखेको आठ करोड मध्येबाट तीन करोड झिकी पुरस्कार वितरण गरिएको थियो।

यसपटक पनि पुरस्कार दिने क्रममा खेलाडीहरु को निमित्त राखिएको fixed deposit बाट ननिकाली पुरस्कार वितरण गर्नेछ भन्ने आशा गरेको छु। तीन करोड निकालेको कारणले गर्दा अहिले खेलाडीहरू र Referee हरुले तलब समयमा पाइरहेका छैनन्।