तेस्रो खुला राष्ट्रिय बक्सिङ प्रतियोगिता माघमा हुने
ललितपुर । गोदावरी नगरपालिकास्थित चापागाउँको प्याङगाउँ चौरमा तेस्रो खुला राष्ट्रिय किक बक्सिङ प्रतियोगिता गर्ने भएको छ । किक बक्सिङ संघले माघ महिना गणेशमान सिंह स्मृति तेस्रो खुला राष्ट्रिय किक बक्सिङ प्रतियोगिता गर्ने भएको हो ।
नेपाली सेनाको त्रिभुवन आर्मी क्लब, नेपाल पुलिस क्लब तथा सशस्त्र प्रहरी बलको एपिएफसँगै विभिन्न खेलका ८ गरी कुल ११ टोलीको सहभागिता रहने प्रतियोगिता माघ २ गतेदेखि तीन दिनसम्म चल्नेछ । प्रतियोगिताका अन्य सहभागीमा कराते, उसु, बक्सिङ, तेक्वान्दो, आइटिएफ, फुल कन्ट्याक्ट कराते, मुवाँ थाई र किक बक्सिङ छन् ।
बिहीबार पुरुषतर्फ ६ तथा महिलामा ५ गरी कुल ११ तौल समूहमा प्रतिस्पर्धा हुने प्रतियोगिताको प्रत्येक स्पर्धाको विजेताले ३० हजार, उपविजेताले १५ हजार तथा तेस्रो स्थान हासिल गर्ने दुई खेलाडीले जनही ८ हजार रुपैयाँका दरले पाउने पत्रकार सम्मेलनमा जानकारी गराए ।