मेलबर्न स्टार्सद्वारा क्रिकेटमा चौथो जित
काठमाडौं । मेलबर्न स्टार्सले बिग ब्यास लिग क्रिकेटमा चौथो जित हात पारेको छ । नेपालका लेग स्पिनर सन्दीप लामिछाने आबद्ध टिम मेलबर्न स्टार्सले बिग ब्यास लिग क्रिकेटमा चौथो जित हात पारेको हो ।
बिहीबार भएको खेलमा मेलबर्नले सिड्नी थन्डरलाई ३ विकेटले पराजित गरेको हो । तर सन्दीप भने आजको खेलमा प्लेइङ इलाभेनमा थिएनन् ।
१४३ रनको चुनौती पछ्याउँदै ब्याटिङ गरेको मेलबर्नले १९.४ ओभरमा ७ विकेटको क्षतिमा लक्ष्य भेटायो। मेलर्बनको जितमा निक लर्किन र मार्कुस स्टोइनिसले उत्कृष्ट ब्याटिङ गरे । लर्किनले ८ चौका र १ छक्का प्रहार गर्दै ४५ बलमा ६५ रन बनाए ।
