ब्याटमिन्टनका प्रिन्स दाहाल र क्रिकेटकी कविता कुँवर उत्कृष्ट खेलाडी घोषित
काठमाडौं । ब्याटमिन्टनका प्रिन्स दाहाल र क्रिकेटकी कविता कुँवर उत्कृष्ट खेलाडी घोषित भएका छन् । ब्याटमिन्टनका प्रिन्स दाहाल र क्रिकेटकी कविता कुँवर प्रथम सुदूरपश्चिम स्पोर्टस् अवार्डमा वर्षको उत्कृष्ट खेलाडी घोषित भएका हुन् ।
त्यसैगरी वर्षको उत्कृष्ट युवा खेलाडी भारात्तोलनका सागर भण्डारी भए । उनले सुदूरपश्चिम प्रदेशलाई भारात्तोलनमा २२ वर्षपछि स्वर्ण पदक दिलाएका थिए । स्पेसल अवार्ड कैलाली जिल्ला खेलकुद विकास समितिका निवर्तमान अध्यक्ष दीपक सिंहलाई प्रदान गरियो ।
३ वर्षे कार्यकालमा खेलकुदको विकासमा महत्त्वपूर्ण योगदान दिएको भन्दै उनलाई स्पेसल अवार्डबाट सम्मान गरिएको हो । लाइफ टाइम एचिभमेन्ट अवार्ड श्यामसुन्दर शर्मालाई प्रदान गरियो ।